Nordic Permaculture Festival 2025

Hátíðin er þekkt fyrir að vera samkoma fólks sem vill efla sjálfbærni og deila þekkingu um nýtingu náttúrunnar. Í ár býðst gestum upp á 42 vinnustofur þar sem sérfræðingar á ýmsum sviðum deila reynslu sinni og hæfileikum. Dagskráin er fjölbreytt og krefjandi verkefni verður að velja þá vinnustofu sem heillar mest, enda verða oft 3–4 vinnustofur í gangi í einu.

Gjafahagkerfið í fyrirrúmi

Það sem gerir þessa hátíð sérstaka er að hún er að mestu leyti rekin samkvæmt gjafahagkerfinu. Hátíðarpassinn nær yfir matarkostnað fyrir allar níu máltíðirnar, en gisting er bókuð sér. Allt annað er í boði og allir gefa af sér, hvort sem það eru skipuleggjendur, eldhúshópurinn, fyrirlesarar eða tónlistarfólk. Markmiðið er að allir hafi tækifæri til að taka þátt, kynnast öðrum og læra eitthvað nýtt, óháð efnahag.

Dagskrá fyrir alla fjölskylduna

Hátíðin er ætluð fólki á öllum aldri. Sérstök áhersla hefur verið lögð á að bjóða upp á spennandi dagskrá fyrir börn og unglinga. Fjölbreyttar vinnustofur eru í boði fyrir mismunandi aldurshópa þar sem þau fá tækifæri til að leika og læra. Á kvöldin verður svo notaleg samvera með skemmtiatriðum. Hátíðin er jafnframt áfengis- og vímuefnalaus til að skapa öruggt og fjölskylduvænt umhverfi.

Þeir sem vilja ekki láta þessa einstöku hátíð fram hjá sér fara geta keypt miða til og með 2. ágúst. Hægt er að finna nánari upplýsingar um dagskrá og miðakaup á heimasíðu hátíðarinnar. Kirkjulækjakot er um 1,5 klst. akstur frá Reykjavík og ef fólk notar strætó til Hvolsvallar, mun rúta sækja fólk á staðinn.